شرح العطف و حروف العطف - نحو

العطف

- العطف ... فيه عطف مفردات وفيه عطف جمل ... بس كطالب أنت يهمك أكتر عطف المفردات فده اللي هنهتم بيه أكتر ... بس أنت تعرف يعني ايه عطف؟ يعني ايه معطوف؟ ... المعطوف هو تابع بييجي بعد حرف معين وبيكون بينه وبين الكلمة اللي معطوف عليه علاقة والعلاقة مثلا إما:

1- الاتنين مشتركين في نفس الحاجة زي (جاء أحمد ومحمد) فهنا أحمد جاء وكذلك محمد جاء فبالتالي (محمد) معطوف ... أما لو قلت (سرت وآذان الفجر) ... اه أنت سرت بس آذان الفجر هيسير ازاي؟ فعشان كدة (آذان) مفعول معه مش معطوف وشرحنا ده في درس المفعول معه.

2- واحد يكون مشترك في حاجة والتاني مش مشترك في الحاجة دي زي (ما جاء أحمد لكن محمد) ... هنا أحمد ما جاش أما محمد جه ... فعشان كدة (محمد) معطوف.

3- إن الاتنين يكون ليهم احتمال إنهم مشتركين في نفس الحاجة ... يعني ايه دي؟ تعالى نشوف بمثال أحسن فمثلا لو قلت (جاء أحمد أو محمد) هنا احتمال يكون أحمد جه أو احتمال يكون محمد هو اللي جه الاتنين مشتركين في أنهم محتملين.
- حروف العطف هي اللي بييحي بعدها المعطوف ودول عددهم تسعة وهما (الواو – الفاء – ثم – أو – لا – لكنْ – بل – حتى – أم).
- المعطوف قلنا تابع ... فبالتالي بيتبع المعطوف عليه في الجر والرفع والنصب والجزم.
- المعطوف عليه هو الكلمة اللي بيتبعها المعطوف.
- العطف ممكن يكون عطف مفردات زي (قابلت محمدا ومحمودا) ... وممكن يكون عطف جمل زي (ذهبت إلى المنزل ثم شاهدات التلفاز قليلا) ... وفي أول كلامنا قلنا إنه يهمنا بشكل أكبر عطف المفردات.

العطف

- العطف ... فيه عطف مفردات وفيه عطف جمل ... بس كطالب أنت يهمك أكتر عطف المفردات فده اللي هنهتم بيه أكتر ... بس أنت تعرف يعني ايه عطف؟ يعني ايه معطوف؟ ... المعطوف هو تابع بييجي بعد حرف معين وبيكون بينه وبين الكلمة اللي معطوف عليه علاقة والعلاقة مثلا إما:

1- الاتنين مشتركين في نفس الحاجة زي (جاء أحمد ومحمد) فهنا أحمد جاء وكذلك محمد جاء فبالتالي (محمد) معطوف ... أما لو قلت (سرت وآذان الفجر) ... اه أنت سرت بس آذان الفجر هيسير ازاي؟ فعشان كدة (آذان) مفعول معه مش معطوف وشرحنا ده في درس المفعول معه.

2- واحد يكون مشترك في حاجة والتاني مش مشترك في الحاجة دي زي (ما جاء أحمد لكن محمد) ... هنا أحمد ما جاش أما محمد جه ... فعشان كدة (محمد) معطوف.

3- إن الاتنين يكون ليهم احتمال إنهم مشتركين في نفس الحاجة ... يعني ايه دي؟ تعالى نشوف بمثال أحسن فمثلا لو قلت (جاء أحمد أو محمد) هنا احتمال يكون أحمد جه أو احتمال يكون محمد هو اللي جه الاتنين مشتركين في أنهم محتملين.
- حروف العطف هي اللي بييحي بعدها المعطوف ودول عددهم تسعة وهما (الواو – الفاء – ثم – أو – لا – لكنْ – بل – حتى – أم).
- المعطوف قلنا تابع ... فبالتالي بيتبع المعطوف عليه في الجر والرفع والنصب والجزم.
- المعطوف عليه هو الكلمة اللي بيتبعها المعطوف.
- العطف ممكن يكون عطف مفردات زي (قابلت محمدا ومحمودا) ... وممكن يكون عطف جمل زي (ذهبت إلى المنزل ثم شاهدات التلفاز قليلا) ... وفي أول كلامنا قلنا إنه يهمنا بشكل أكبر عطف المفردات.