البدل شراح وافي - نحو
#- البدل
السلام عليكم ورحمة الله وبركاته
الدرس المرادي جميييل وحلووووو أوي يلا نبدأ فيه بسرعة (.
بسم الله والصلاة والسلام على رسول الله أما بعد:
بدل ... يعني ايه بدل؟ ... بدل يعني كلمة (اللي ينسميها البدل) ينفع تتحط مكان كلمة تاني (اللي بنسميها المبدل منه) وتحوش المبدل منه خالص والمعني يفضل ثابت وما يتغيرش ... كلمة ينفع تتحط مكان كلمة ... ينفح يتحط بدالها ... عشان كدة مسميينه بدل.
على سبيل المثال لو قلنا ... (جاء الطالب أحمد) ... ينفع نحط (أحمد) مكان (الطالب) ويفضل المعني ثابت بردو صح؟ ... (جاء أحمد) المعني زي ماهو ... وبالتالي أحمد بدل.
- البدل من التوابع ... يعني لو المبدل منه منصوب يبقى البدل منصوب وكذلك لو المبدل منه مرفوع أو مجرور يبقى البدل مرفوع أو مجرور بردو ع الترتيب.
بس كدة دي الأساسيات اللي لازم تكون عارفها قبل ما نبدأ.
أنواع البدل:
1- بدل البعض من كل.
2- دل اشتمال.
3- بدل مطابق.
هنتكلم عن أول اتنين دول مرة واحدة لأنهم متفقين في حاجات كتير وفي فرق بسيط بينهم.
بدل الاشتمال وبدل البعض من كل
- الاتنين متفقين في أنهم ليهم نفس الشروط اللي هي:
لازما ينفع يتحط مكان المبدل منه ... ودا شرط أي بدل عادي
لااااازم ينتهي بضمير بيعود على المبدل منه ... دا شرط مهم جدا عشان ناس كتير شايفة انه مش ضروري بدل البعض من كل وبدل الاشتمال يكون في آخرهم ضمير.
- الاتنين مختلفين في إن بدل البعض من كل حاجة تقدر تشوفها (مادية) ... بدل الاشتمال حاجة مستحيل تشوفها (معنوية).
ملحوظة: الفرق بينهم بيخضع لحاجات أكتر من كدة بكتير تهم المتخصصين أكتر.
نشوف كام مثال بقي:
1- (أكلت الرغيف ربعه) .... واحنا بنجيب أصل الجملة لازم نرجع كل ضمير لأصله ... يعني مثلا (ربعه) الهاء في ربعه بتعود على (الرغيف) فمش هنقول (ربعه) لأ هنرجعها لأصلها ونقول (ربع الرغيف) ... يلا بقى كدة جرب تحذف المبدل منه (الرغيف) ونحط مكانه (ربع الرغيف) هتبقى (أكلت ربع الرغيف) ... الجملة زي ما هي المعني ما اتغيرش صح؟ اه تمام ... خلاص تبقى بدل ... وبما اننا نقدر نشوف (ربع الرغيف) يبقى بدل بعض من كل منصوب بالفتحة.
2- (يعجبني الفتي أخلاقه) .... نرجع كل ضمير لأصله فبالتالي (أخلاقه) هتبقى (أخلاق القتي) ... بعد كدة نحط (اخلاق الفتي) مكان المبدل منه (الفتي) ... هتبقى الجملة (تعجبني أخلاق الفتي) ... الجملة زي ما هي والمعني ثابت ... ومش بنقدر نشوف (الاخلاق) فتبقى بدل اشتمال ... بدل اشتمال مرفوووع ... مش منصوب ها؟ مين اللي سبّب الاعجاب؟ اللي سببه هو (الفتي) فـ(الفتي) فاعل مش مفعول ... تمام كدة يبقى بدل مرفوع بالضمة.
ملحوظة:
- لازم البدل في النوعين دا يكون فيه ضمير وإلا مش يكون بدل ... وغالبا ساعتها بيكون تمييز محول ... زي (مصر جيشا وشعبا يد واحدة) هنا (جيشا) تمييز ... وكذلك لو قلنا (طابت مصر هواءً) هنا (هواءً) تمييز ... ولو كنا قلنا (طابت مصر هواؤها) هنا (هواؤها) بدل مرفوع.
رقم 1
1- أكلت الرغيف كل الأكل.
ج: كل: نائب عن المفعول المطلق.
2- أكلت الرغيف كله.
ج: كل: توكيد معنوي منصوب بالفتحة.
3- أكلت الرغيف ثلثيه.
ج: ثلثيه: بدل بعض من كل منصوب بالياء لأنه مثنى.
4- أكلت الرغيف كل الرغيف.
ج: كل نعت منصوب بالفتحة.
رقم (1) شرحنا في نائب المفعول المطلق وهي كلمة (كل) وبعدها مصدر الفعل اللي قبلها تبقى نائب عن المفعول المطلق.
رقم (2) كله من ألفاظ التوكيد المعنوي.
رقم (3) شرحناها هنا.
رقم (4) بقى ... كلمة (كل) لما تيجي بعدها كلمة هي نفس الكلمة اللي قبلها ... بنعرب (كل) نعت... بيفيد الوصف بالكمال ... قاعدة ثابتة.
#- رقم 2
1- ما أجملكم طلاب العلم ... ما إعراب (طلاب)؟
(طلاب) مفعول به لفعل محذوف تقديره (أخص) ... لأن (طلاب) جت بعد ضمير مخاطب (كم) في كلمة (أجملكم) ... جت بعد ضمير مخاطب بيعود عليها ... تبقي اسم مختص ونعربها مفعول به منصوب بالفتحة لفعل محذوف تقديره أخص.
ملحوظة: الضمير (كم) في (ما أجملكم) بيتعرب مفعول به بردو بس دا لأسلوب التعجب ... والضمير (كم) هو المتعجب منه ... أما (طلاب) هو الاسم المخصوص ... ركز ع دي عشان تهمك جدا في الاستخراجات.
2- ما أجملهم طلاب العلم ... ما إعراب (طلاب)؟
(طلاب) بدل منصوب بالفتحة ... (طلاب) جت بعد ضمير غائب (هم) ما جتش بعد ضمير مخاطب ما ينفعش (طلاب) تبققي اسم مختص كدة صح؟ اااه ... يبقى الإعراب الصحيح بدل منصوب بالفتحة ... كمان ينفع نحط (طلاب) مكان الضمير (هم) ويفضل المعني الثابت (ما أجمل طلاب) فتبقي بدل ... بدل مطابق.
3- ما أجملكم أنتم .... ما إعراب (أنتم)؟
(أنتم) ضمير مبني في محل نصب توكيد ... (كم) ضمير مخاطب للجمع و(أنتم) ضمير مخاطب للجمع بردو ... ضمير مخاطب وراه ضمير مخاطب يبقي توكيد لفظي بس كدة.
#- الخلاصة في قاعدة اسم الإشارة
- (اسم إشارة + كلمة معرفة بال) = بدل ... بس مش دايما ... لازم اسم الإشارة يكون قصدي بيه اللي بعديه عشان يبقى بدل.
فمثلا لو قلت ... (اجتهد لحل هذه المشكلة) .... قصدك ايه بهذه؟ ... المشكلة ... عشان كدة المشكلة بدل.
لكن ... لو قلت (العلم نور وينكر ذلك الجهلاء) .... هنا قصدي مين بذلك؟ ... أكيد مش قصدي الجهلاء ... أنا قصدي أن العلم نور بينكروا أن العلم نور ... فبالتالي طالما مش قصدي بيها اللي بعديها يبقى اللي بعدها مش بدل.
مين اللي بينكر؟ الجهلاء ... تبقى الجهلاء هنا فاعل مش بدل وهكذا.
#-
ملحوظتان:
1- لو اسم الإشارة كان بيشير للحاجة اللي قبله بالظبط يبقى نعت ليه ... زي (قم من مقامك هذا) ... هنا (هذا) اسم إشارة مبنى في محل جر نعت لـ(مقامك).
2- مكن بدل ما يقول (ذلك – تلك) يقول (ذلكم – تلكم) ... ودول أسماء إشارة عاديين جدا
تعليقات
إرسال تعليق